Health Insurance Myths & Facts / हेल्थ इंशुरंस समज आणि गैरसमज - 5

गैरसमज :  नेटवर्क हॉस्पिटलची लिस्ट पाहूनच पॉलीसी घेण्याचा निर्णय घ्यावा.

माझ्या बऱ्याच ग्राहकमित्रांची मागणी असायची कि बॉस, पॉलीसी घेण्याआधी आम्हाला नेटवर्क हॉस्पिटलची लिस्ट पहायची आहे, आम्ही त्यावरून काय तो निर्णय घेऊ. मग त्यांना मला हे समजवावं लागायचं कि हि लिस्ट कायमच बदलत असते अगदी रोजच्या-रोज देखील ! कारण इंशुरंस/TPA  कंपन्या हॉस्पिटल्सला त्यांच्या काही चुकांसाठी लिस्टमधून काढत असतात किंवा काही हॉस्पिटल्स उशीरा पेमेंट दिल्यामुळे इंशुरंस/TPA कंपन्यासोबतचे काम थांबवतात.

सल्ला : हेल्थ इंशुरंस पॉलीसी कशी आहे आणि ती तुमच्या किंवा तुमच्या कुटुंबाच्या गरजा पूर्ण करते का ते पाहून निर्णय घ्या, त्या कंपनीची हॉस्पिटलची लिस्ट पाहून नको - कारण लिस्ट कधीपण बदलु शकते - अगदी आत्तासुद्धा !

Health Insurance Myths & Facts / हेल्थ इंशुरंस समज आणि गैरसमज - 4

गैरसमज : पॉलीसी घेतांना डे- केअर प्रोसिजरची लिस्ट ज्याची मोठी तो हेल्थ इंशुरंस चांगला.

आजकाल बऱ्याच खासगी इंशुरंस कंपन्या मोठ-मोठ्या जाहिराती करत असतात आणि त्यात असं भासवल जात कि त्या कंपन्या इतर कंपन्यापेक्षा जास्त डे- केअर प्रोसिजर कव्हर करतात. एखादी इंशुरंस कंपनी प्रत्येक छोटी प्रोसिजर वेगळी काढून एक छान मोठी डे- केअर प्रोसिजरची लिस्ट तयार करू शकते पण तेव्हाच एखादी दुसरी कंपनी जिची डे- केअर प्रोसिजरची लिस्ट छोटी असते ती आधीच्या कंपनी पेक्षा जास्ती प्रोसिजर कव्हर करू शकते ! कारण शेवट इंशुरंस कंपनी एखाद्या प्रोसिजरची व्याख्या कशी करते ते महत्वाचं. मार्केटिंग गिमिक दुसरं काय.

लक्षात घ्या : डे- केअर प्रोसिजरच्या लिस्टची तुलना करू नका, एखादी छोटी लिस्ट एखाद्या मोठ्या लिस्टपेक्शा जास्त कव्हरेज देऊ शकते.

Health Insurance Myths & Facts / हेल्थ इंशुरंस समज आणि गैरसमज - 3

गैरसमज : पॉलीसी घेतांना pre-existing वेटिंग पिरेड / आधीपासूनच्या आजारांसाठी असलेला वाट पाहण्याचा कालावधी कमीत -कमी कसा मिळेल ते तपासून घ्याव. 

या नियमाबद्दल मी बऱ्याच लोकांमध्ये गैरसमज अनुभवले आहेत. लोक हेल्थ इंशुरंस पॉलीसी घेतांना विचारतात कि मला तो pre-existing वेटिंग पिरेड / आधीपासूनच्या आजारांसाठी असलेला वाट पाहण्याचा कालावधी कमीत -कमी असेल अशीच पॉलीसी द्या, जरी त्यांचे संपूर्ण कुटुंब एकदम फिट असलं तरी, उगाच. कारण हा नियमच इतका लोकप्रिय झालाय कि लोकांना त्यामागचं कारण माहित नसत पण तो नियम नको असतो. 

लक्षात घ्या : जर हेल्थ इंशुरंस पॉलीसी घेतांना जर तुमचं संपूर्ण कुटुंब एकदम फिट असेल तर हा नियम तुमच्यासाठी नाहीये !

Health Insurance Myths & Facts / हेल्थ इंशुरंस समज आणि गैरसमज - 2

गैरसमज : क्याशलेस सुविधा किंवा क्लेम मिळवण्यासाठी हॉस्पिटलमध्ये किमान 24 तास भरती राहावच लागत.

अजूनही असे प्रसंग आपल्याला हॉस्पिटलच्या क्लेम/बिलिंग विभागात पहावयास मिळतात कि, रुग्णाचे नातेवाईक सांगत राहतात कि कृपा करून आमच्या रुग्णाला 24 तास पूर्ण होण्याच्या आत डिस्चार्ज करू नका नाहीतर आमचं क्याशलेस होणार नाही किंवा आम्हाला क्लेम नाही करता येणार. यामागचं कारण सुद्धा आपले एजंट आणि इंशुरंस कंपन्यांच्या जाहिराती आहेत, कारण पॉलीसी मध्ये जरी अस लिहिल असल कि क्याशलेस सुविधा किंवा क्लेम मिळवण्यासाठी हॉस्पिटलमध्ये किमान 24 तास किंवा त्यापेक्षा जास्त काळ रुग्ण भरती असणे अनिवार्य आहे तरी या वाक्याचा तंतोतंत अर्थ काढून उपयोगाचे नाही.

थोडक्यात काय तर, hospitalization / रुग्णास हॉस्पिटलमध्ये भरती होणे अनिवार्य होतेका ते इंशुरंस कंपन्यां / TPA चे अधिकारी ठरवतात आणि मगच क्याशलेस सुविधा किंवा क्लेम मंजूर करतात. उदा.  मोतीबिंदू शस्त्रक्रियेसाठी आजकाल 24 तास लागतच नाहीत तरीसुद्धा आपणास क्याशलेस सुविधा किंवा क्लेम मिळू शकतो.

लक्षात घ्या : फक्त आरोग्य तपासण्याकरीता भरती होऊन आपणास क्याशलेस सुविधा किंवा क्लेम मिळू शकत नाही. चुकीची वैद्यकीय माहिती देऊन, इंशुरंस कंपन्यां / TPA च्या अधिकाऱ्यांची दिशाभूल करून क्याशलेस सुविधा किंवा क्लेम मिळवण्याचा प्रयत्न केल्यास आपल्यावर तसेच संबंधित हॉस्पिटलवर कायदेशीर कार्यवाही होऊ शकते त्यामुळे खरी आणि योग्यतीच माहिती द्या.

Health Insurance Myths & Facts / हेल्थ इंशुरंस समज आणि गैरसमज 1

गैरसमज : माझ्याकडे क्याशलेस कार्ड आहे म्हणजे मला काही पैसे भरावे लागणार नाहीत 

अगदी सुरुवातीच्या काळामध्ये फक्त मेडिक्लेम योजना होत्या आणि जेव्हापासून  अजून चांगली सेवा देण्याहेतु क्याशलेस संकल्पना सुरु करण्यात आली तेंव्हापासून क्याशलेस हा एक परवलीचा शब्द होऊन बसला आहे. खरंतर हेतु हा होता कि लोकांना बँकमध्ये जाऊन पैसे काढावे लागू नये आणि रुग्णांच्या नातेवाईकांची धावपळ होऊ नये. पण आजकाल या संकल्पनेमागच्या  खऱ्या अर्थाचा विपर्यास झालेला दिसून येतो ज्याला कारणीभूत आपले एजंट आणि इंशुरंस कंपन्यांच्या जाहिराती आहेत.

पहिले तर हे क्याशलेस नक्की कसं काम करतं ते थोडक्यात समजून घेऊया, इंशुरंस कंपनीने आपल्याला हेल्थ इंशुरंस एकदा विकला कि (बऱ्याचदा निवडून आलेल्या पुढाऱ्यासारखे गायब होतात) मग त्यांनी निवडलेल्या TPA  कडे आपलं काम सोपवलं जात हे TPA आपला क्लेम हा योग्य आहे कि नाही ते परिक्षणान्ति ठरवतात, म्हणजेच काय तर आपण आपल्या रुग्णाला तातडीने जरी हॉस्पिटलमध्ये दाखल केलं असलं तरी जो पर्यंत आपण आपले सर्व कागदपत्रं हॉस्पिटलला जमा करत नाही आणि TPA  हॉस्पिटलला मंजुरी देत नाही देत नाही तो पर्यंत त्याला टेक्निकली क्याशलेस म्हणता येत नाही. त्यातून काही हॉस्पिटल रुग्णांची गैरसोय होऊ नये म्हणून तसेच एक चांगुलपणा म्हणून काही पैसे डीपोसीट म्हणून घेऊन ठेवतात आणि उपचार सुरु करतात. वाद इथे होतात. 

उपाय: हेल्थ इंशुरंस चे कागदपत्र कायम पटकन सापडतील (कुणालाही)असे ठेवा. काही रक्कम या वेळेसाठी बाजूला काढून ठेवा. क्रेडीट कार्ड अशा वेळेस चटकन उपयोगास येतं. 

Great News ! Health Insurance for Senior Citizens ! Amazing Advantages !

The only health insurance policy for senior citizens that covers all pre-existing diseases from first year onwards ! No pre-policy medical check-up required ! lowest premium ! policy from government insurance company yet with all benefits of Group Mediclaim / Corporate Health Insurance. 

Cashless Stopped in Pune / पुण्यात क्याशलेस सेवा बंद

पुण्यातील रुग्णालयांमधील क्याशलेस सेवा बंद ?!

सध्या तुम्ही रोज वर्तमानपत्रामध्ये या रिलेटेड बातम्या वाचतच असाल. पण मग म्हणजे नक्की झालं काय आहे ते समजल आहे ना ?

 मी सांगतो जे मला उमगलंय, ज्या चार निम्न-सरकारी (P.S.U.) इंश्युरन्स कंपन्या आहेत (National, New India, Oriental आणि United India) त्यांनी एकत्र येउन एक संघटना केली ज्याला नाव दिले GIPSA. आता या संघटनेने भारताच्या प्रत्येक प्रमुख शहरात PPN नावाची योजना राबवली. आता हि PPN योजना म्हणजे नक्की काय तर, GIPSA ने ठरवले कि शहरातील काही ठराविकच हॉस्पिटल मध्ये क्याशलेस सेवा चालू ठेवायची आणि बाकी सर्व हॉस्पिटल मध्ये क्याशलेस सेवा बंद करायची. याचा फायदा GIPSA म्हणजेच इंश्युरन्स कंपन्यांना असा होणार आहे कि त्यांचा उपचारांवरचा खर्च कमी होणार आहे, कारण ते या मार्गे सर्व हॉस्पिटल्सला कोंडी मध्ये पकडून कमी दरांमध्ये उपचार देण्यास भाग पाडणार आहेत.

पण मग अनेक प्रश्न उपस्थित होतात जस कि;

1. उपचारांचे दर कमी झाले तरी प्रिमियम काही कमी होत नाहीये. सामान्य माणसाला त्याचा काहीच फायदा दिला जात नाहीये असं दिसतंय.

2. काय सरकारी कंपन्या असा अचानक निर्णय घेऊ शकतात ? ज्याचा सामान्य माणसाला त्रास होऊ शकेल ?

3. मेडिक्लेम घेतांना माणूस हे बघतो कि आपल्या घराजवळच किंवा विश्वासाचं हॉस्पिटल त्या इंश्युरन्स कंपनीच्या यादीमध्ये आहे ना ! आणि आता जर ते वगळल गेलं असेल तर ?

4. अजून एक जळजळीत प्रश्न, कि कॉर्पोरेट पॉलीसी असणाऱ्यांना असे निर्बंध नाहीत ! हे सर्व निर्बंध फ़क्त स्वतः पॉलीसी विकत घेणाऱ्या लोकांसाठीच आहेत !! तर असा भेदभाव का ?

5. बर, हॉस्पिटल्सला कमी दरामध्ये तेच ऑप्रेशन करायला भाग पाडल्यामुळे मिळणाऱ्या सेवा-सुविधा किंवा वापरलं जाणार मटेरियल जर हलक्या दर्ज्याच वापरावं लागलं तर ? ती चूक कोणाची ? आपण नेहमी ज्यांना हक्काने कोसतो त्या हॉस्पिटल्सची ?

खरतर प्रत्येकाची या घटनेवरती आपली एक प्रतिक्रिया आहे.
उपाय आणि पर्याय अनेक आहेत यावर माझ्याकडे … पण तुम्हाला काय वाटत ?

Health Insurance - Importance of After-Sales-Service / हेल्थ इन्शुरन्स - विक्रीपश्चात सेवेचे महत्व

विचार करा, आपण आपली पहिली गाडी / मोबाईल / टि. व्ही. विकत घेतांना त्या वस्तूच्या फिचर सोबत त्याचे सुटे पार्ट किती महाग आहेत तसेच त्याचे सर्विस स्टेशन किती आहेत आणि ते घराजवळ आहेत का, या आणि अशा कितीतरी बाबींचा  विचार करतो.

पण इतका विचार आपण हेल्थ इन्शुरन्स विकत घेतांना का नाही करत ? तेंव्हा आपण फक्त प्रिमियम कोणत्या कंपनीचा सर्वात स्वस्त आहे, त्याचाच विचार करतो. एखाद्याच्या मृत्यूपश्चात, त्या व्यक्तीच्या उपचारांच्या खर्चाचे कर्ज पुढील काही वर्ष त्याच्या नातेवाईकांना भरतांना पाहिलंय कधी ?

लक्षात घ्या, आज हेल्थ इन्शुरन्स विकत घेण खूप सोप्प आहे परंतु एकदा विकल्यानंतर योग्यती माहिती व सेवा देण तितकच महत्वाचं ! आणि ती माहिती जसं कि, कोणते आजार कव्हर होतील आणि कोणते नाही, कोणते रुग्णालय कशासाठी जास्त चांगलं आहे, क्लेम कधी-कसा-केव्हा करावा, रुग्णालयात कशाचे पैसे भरावे - कशाचे नाही वै. फक्त एक असाच माणूस सांगू शकतो ज्या व्यक्तीने स्वतः काही वर्ष रुग्णालयात आणि टि.पी.ए कंपनीमध्ये काम केलं आहे. 

सल्ला: हेल्थ इन्शुरन्स विकत घेतांना, इन्शुरन्स कंपनी सोबत तुमचा इन्शुरन्स एजंटदेखील तितकाच चांगला असायला हवा !

अधिक माहितीसाठी फोन करा 9822513801